Bhang Tea Benefits: चिंता आणि तणावमुक्त करते भांगची चहा, क्षणात दूर होते डोकेदुखी!

होळी सणाला (Holi Festival) आपल्या देशात मोठ्या प्रमाणात भांगचं (Cannabis) सेवन केलं जात. नशा करण्यासाठी त्याचा वापर केला जातो.

By: Sandip Parolekar | Edited by: Sandip Parolekar | | Updated: March 12, 2021 11:35 am

Bhang Tea Benefits in Marathi

होळी सणाला (Holi Festival) आपल्या देशात मोठ्या प्रमाणात भांगचं (Cannabis) सेवन केलं जात. नशा करण्यासाठी त्याचा वापर केला जातो. तुम्हाला कदाचित माहित नसेल, संयुक्त राष्ट्रांनी (United Nations) भांगला (Cannabis) धोकादायक म्हणजेच अंमली पदार्थांच्या यादीतून (dangerous drugs list) हटवलं आहे. जागतिक आरोग्य संघटनेकडून (World Health Organization) करण्यात आलेल्या शिफारशीनंतर संयुक्त राष्ट्रांनी गेल्या वर्षी हा निर्णय घेतला होता. आयुर्वेदात भांगचे औषधी गुण सांगण्यात आले आहेत. भांग पिणे आरोग्यासाठी धोकादायक असले तरी आनंद साजरा करण्यासाठी देखील त्याचा उपयोग होतो.

चिंता आणि तणावमुक्तीसाठी देखील भांग सेवन केले जाते. भांगेच्या झाडाच्या पानांचा अर्क काढून, त्याचे काही थेंब कानात टाकल्यानं डोकेदुखीपासून सुटका मिळवता येते. पचनशक्ती वाढवण्यासाठी भांग फायदेशीर आहे. कोणत्याही प्रकाराची जखम झाल्यावर या झाडाच्या पानांचा लेप बनवून जखमेवर लावावा. जखम लवकर भरेल. एकीकडे भांगचं सेवण केल्यानं डोकेदुखी (Hangover) उद्भवतं. मात्र, डोकेदुखीवर उपचार करण्यासाठी भांगचा वापर केला जातो. विशेष म्हणजे भांगचा चहा (Cannabis Tea) बर्‍यापैकी लोकप्रिय आहे. भांगच्या चहाला मारिजुआना टी ( Marijuana Tea) असेही संबोधलं जातं.

भांगच्या चहाचे फायदे… (Bhang Tea Benefits in Marathi)

तुम्ही कधी भांगचा चहा (Bhang Tea) टेस्ट केला आहे काय? भांगच्या चहामध्ये औषधी गुण असतात. त्यामुळे आता हा चहा हळूहळू संपूर्ण देशात लोकप्रिय होत आहे. भांगमध्ये काही पौष्टिक घटक असतात. त्यामुळे अंगदुखी (Body Pain) दूर होते. त्याचबरोबर चिंता आणि तणाव दूर करण्यास मदत होते. भांग चहा पिण्याचे अनेक फायदे आहेत. चला जाणून घेऊया भांग चहा पिण्याचे काय आहेत फायदे…

अंगदुखी दूर करण्यास लाभदायी…

अंगदुखी (Body Pain) दूर करण्यासाठी भांगचा चहा हे उत्तम औषध आहे. मल्टीपल स्केलेरोसिस, कॅन्सर, एड्स आदी आजारांनी पीडित रुग्ण भांगचा चहा घेऊ शकतात. शारीरिक दुखण्यासोबत मानसिक व्याधीपासून देखील तुम्ही स्वत: ची सूटका करू शकतात.

चिंता आणि तनावमुक्त ठेवते भांग..

वर उल्लेख केल्याप्रमाणे चिंता ही क्रॉनिक पेनसोबत येत असते. कॅन्सर आणि एड्स सारख्या रुग्ण शारीरिक तसेच मानसिकही खचलेले असतात. ते आजारापेक्षा मानसिक चिंता आणि तनावामुळे जास्त व्यथित असतात. मारिजुआना किंवा भांगचा चहा मानसिक चिंता दूर करण्यास मदत करते.

भांग चहासाठी लागणारं साहित्य…

-5 ते 10 भांगची पानं
– 2 टी बॅग
– 4 कप पाणी
– दूध
– मध किंवा साखर

भांग चहा कसा तयार कराल?..

भांग चहा तयार करण्यासाठी प्रथम पाणी चांगल्याप्रकारे उकळून घ्या. त्यात भांगची पानं टाकावी. थोडा वेळ ती शिजू द्यावी. नंतर त्यात एक टी बॅग टाकावी. ते चांगले शिजल्यावर त्यात दूध घालावे. थोडा वेळ शिजवल्यानंतर चवीनुसार साखर घालावी. किंवा आपण मध देखील घालू शकतात. परंतु चहा उकळत असताना मध घालू नका. चहा फाटण्याची शक्यता असते.

Published : March 12, 2021 11:34 am | Updated:March 12, 2021 11:35 am

Read Disclaimer