वजन घटवा '8' मजेशीर व्यायामप्रकारा संगे ! |

वजन तर घटवायचय पण नेहमी तोच तोच व्यायामप्रकार करून तुम्हाला कंटाळा येतो ना ? मग व्यायामाचा उत्साह टिकवून ठेवण्यासाठी त्यात थोडं वैविध्य आणणेदेखील गरजेचे आहे. मग व्यायाम हा शिक्षेप्रमाणे वाटण्याआधीच त्यात हे 8 बदल नक्की कराच …. Also Read - जेवणासाठी वेगवेगळ्या प्रकारच्या ऑलिव्ह ऑईलची निवड कशी करावी ?

व्यायाम की खेळ ? तुम्हाला काय करायला आवडेल

अर्धा तास जिममध्ये व्यायाम करा किंवा मोकळ्या जागी बॅटमिंटन खेळा, हे दोन पर्याय तुम्हाला दिले तर तुम्ही काय निवडाल ? आम्हाला ठाऊक आहे बरीच जणं बॅटमिंटनचाच पर्याय निवडतील. कारण खेळातून पुरेशी शारीरिक हालचाल होते. मग जिममध्ये जाऊन तो कंटाळवाणा व्यायाम करायची गरजच काय ? Also Read - पोटाचे आरोग्य सुधारण्यासाठी या '५' गोष्टी अवश्य करा !

बॅटमिंटन खेळायला साथीदाराची गरज असते. मग एकट्याने व्यायाम करणार्‍या मित्र- मैत्रिणींचा एकत्र ग्रुप करा आणि नियमित सकाळी बॅटमिंटनचा आनंद घ्या.

हुला हुप्स (कमरेत रिंग फिरवणे)

कंमबरेत रिंग फिरवणे हे जरा कौशल्याचे काम आहे. मात्र नियमित सरावाने तुम्ही अगदी सहजपणे कमरेत रिंग फिरवू शकता. याव्यायामप्रकारामुळे 600 कॅलरीज बर्न करू शकता. त्यामुळे घरच्या घरी वजन घटवण्याचा प्रयत्न करत असाल तर हा व्यायाम प्रकार अगदी उपयुक्त आहे. तुम्हाला नव्याने हुला हुप्स शिकत असाल तर जाड रिंग खरेदी करा आणि हळूहळू सराव झाल्यानंतर तुम्ही बारीक रिंग वापरू शकता.

स्केटिंग

सुरवातीच्या काळात स्केटिंग करताना प्रत्येकजण धडपडले असतील. पण स्केटींग करताना मजामस्ती सोबतच आपण बर्‍याच कॅलरीज बर्न करू शकतो हे तुम्हाला ठाऊक आहे का ? जर तुमचे वजन 70 किलोहून अधिक असेल तर नियमित तासभर स्केटिंग केल्यानंतर 500 कॅलरीज सहज घटवू शकता. स्केटींगमुळे स्नायू बळकट होतात तसेच हृद्याचे आरोग्यही सुधारते. त्यामुळे स्केटिंग करण्यासाठी तुम्हाला थोडी सपाट जागा आणि सरावाची गरज आहे.

थाळीफेक (Frisbee)

तुमच्या घरी पाळीव कुत्रा आणि जवळपास मैदान आहे ? हो ? मग नियमित कुत्र्याला फिरण्यासाठी बाहेर घेऊन जाता तेव्हा हा खेळ तुम्ही खेळू शकता. समुद्रकिनारीदेखील मित्रांसोबत थाळीफेक खेळल्याने नेहमीचा व्यायाम होऊ शकतो. थाळीफेक मध्ये सतत धावपळ केल्याने अंदाजे 30 मिनिटांत 100 कॅलरीज बर्न होऊ शकतात.

नृत्य

नृत्य हा अगदीच मजेशीर आणि क्रिएटीव्ह व्यायामप्रकार आहे. नृत्यामुळे मन प्रसन्न राहते तसेच वजनही कमी होण्यास मदत होते. वजन घटवण्यासाठी तुम्ही झुंबा, सालसा किंवा अ‍ॅरोबिक्स अशा पाश्चिमात्य नृत्यप्रकार शिकण्याचा नक्की प्रयत्न करा. ( नेमका झुंबा कसा करावा हे पाहण्यासाठी येथे क्लिक करावे)

स्विमिंग

स्विमिंग हा उत्तम कार्डियोव्ह्सक्युलर व्यायामप्रकार आहे. त्यामुळे तासभर स्विमिंग केल्याने शरीराचा व्यायामही होतो आणि मनही प्रसन्न राहते. जर तुम्हाला स्विमिंग शिकणे शक्य नसेल तर तुम्ही पाण्यातील व्हॉलीबॉल किंवा काही वॉटर स्पॉर्ट खेळू शकता.

ट्रेकिंग

ट्रेकिंग हा थोडा साहसी पण मजेशीर प्रकार आहे. एखाद्या विकेंड्ला मित्र-मैत्रीणींचा ग्रुप करून काही तास ट्रेकिंगची मज्जा नक्की घ्या. यामुळे शहराच्या प्रदूषणापासून तसेच कटकटीपासून तुम्ही थोडे दूर जाऊ शकाल तशीच तुमची पिकनिकदेखील होईल. म्हणून आजच तुमच्या जवळच्या सुरक्षित अ‍ॅडव्हेंचर ग्रुपमध्ये सामिल व्हा आणि ट्रेकिंगची मज्जा लूटा.

किकबॉक्सिंग

अनेक जिममध्ये व्यायामासोबतच बॉक्सिंग आणि किकबॉक्सिंग याचेदेखील प्रशिक्षण दिले जाते. व्यस्त दिवसानंतर ताण हलका करण्यासाठी किकबॉक्सिंग फारच उपयुक्त आहे. किकबॉक्सिंगमुळे व्यायामाप्रमाणेच स्व- रक्षण करण्याची क्षमतादेखील वाढते.

नेहमीच्या व्यायामापेक्षा हे मजेशीर प्रकार का करावेत ?

वैविध्य राखण्यासाठी – जिममध्ये जाऊन एकाप्रकारचा व्यायाम करण्यापेक्षा प्रत्येक महिन्यात तुम्हाला काही नवीन शिकण्याची संधी मिळेल.
मित्रपरिवार वाढवण्यासाठी – खेळामध्ये एकापेक्षा अधिक व्यक्तींचा समावेश होत असल्याने व्यायामासोबतच वैयक्तित संबंध आणि मित्रपरिवार वाढण्यासदेखील मदत होते.
व्यस्त जीवनशैलीमुळे , कामाच्या दबावामुळे आपण एका विशिष्ट जीवनशैलीत बांधले जातो. यातून बाहेर पडून शरीराच्या स्वास्थ्य राखण्यासोबतच नवीन काही शिकण्याचा हा एक सोपा उपाय आहे.

Translated By – Dipali Nevarekar

Source – Fun-ways-to-exercise-and-lose-weight

Published : June 10, 2015 4:08 pm | Updated:January 4, 2017 8:56 pm

Read Disclaimer