ताप, दातदुखी, डोकेदुखीच्या समस्यांमध्ये कधी घ्यावा डॉक्टरांचा सल्ला ? |

प्रत्येक लहानसहान आजारातून बाहेर पडण्यासाठी डॉक्टरांची गरज नसते. काही वेळेस घरगुती उपाय, पुरेसा आराम केल्यानेही काही समस्या कमी होण्यासाठी मदत होते. परंतू याचा अर्थ असा मूळीच होत नाही की तुम्ही स्वतःची औषधं स्वतः, मित्रांच्या किंवा केवळ केमिस्टच्या सल्ल्याने निवडा. म्हणूनच नेमके कधी आणि कोणता त्रास कितपत जाणवल्यास डॉक्टरांचा सल्ला घ्यावा हे जाणून घेण्यासाठी पहा हा खास सल्ला – Also Read - उन्हाळ्यात डोकेदुखी आणि पित्ताचा त्रास कमी करण्यास खास टीप्स !

#1 घशातील खवखव Also Read - हिपॅटायटीस सी पासून तुमच्या यकृताचा बचाव करण्यासाठी या खास टीप्स !

घशात खवखव जाणवल्यास हा त्रास काही घरगुती उपायांनी कालांतराने ठीक होतो. Also Read - चामखीळपासून सुटका मिळवण्याचे '४' नैसर्गिक उपाय !

कधी घ्याल डॉक्टरांचा सल्ला -:

तीव्र वेदना
गिळायला त्रास जाणवत असल्यास

#2 कफ

सर्दी किंवा व्हायरल थ्रोट इंफेक्शनमुळे खोकल्याचा त्रास जाणवतो. खोकल्याचा त्रास गरम पाणी किंवा कफ सिरप घेतल्यानंतर काही आठवड्यात ठीक होतो. स्वयंपाकघरातील अनेक घटक खोकल्यावर परिणामकारक ठरतात.

कधी घ्याल डॉक्टरांचा सल्ला –

2-3 आठवड्यानंतरही खोकल्याचा त्रास जाणवल्यास
खोकताना खूप आवाज होणे
खोकताना श्वास घ्यायला त्रास होणे
खोकताना छातीत, पोटात दुखणे
खोकताना हिरवट रंगाचा चिकट स्त्राव तयार होणे, ताप जाणवणे, थकवा येणे, थंडी वाजणे
खोकताना रक्त पडणे

#3 ताप

शरीरात इंफेक्शन ( संसर्ग) वाढण्यास ताप येतो. हे कमजोर रोगप्रतिकारशक्तीचे लक्षण आहे. बॅक्टेरियाचा धोका कमी करण्यात शरीर कमजोर पडल्यास शरीराचे तापमान वाढते. तापाचे प्रमाण 38 डिग्री / (102˚ F) असल्यास ते सामान्य आहे. मात्र हे तापमान वाढून 102˚ F ते 104˚F झाल्यास ते औषधोपचारांनी कमी करता येऊ शकते.

कधी घ्यावा डॉक्टरांचा सल्ला –

ताप कमी होत नसल्यास
ताप 104˚ F पेक्षा अधिक वाढल्यास
तापासोबत उलटी,डायरिया, थकवा, डोकेदुखी,कानदुखी जाणवल्यास
तीन महिन्यांपेक्षा लहान बाळांच्या शरीराचे तापमान 100.4 F (38 degrees C) पेक्षा जास्त असल्यास आणि 3-6 महिन्यांच्या बाळाच्या शरीराचे तापमान 102.2 ˚ F (39 degrees C) पेक्षा अधिक असल्यास

#4 मळमळ / उलटी

व्हायरल इंफेक्शन, पित्त, भीती, अतिखाणे, ताण, मोशन सिकनेस यामुळे कधीतरी उलटी किंवा मळमळ जाणवणे अगदी सहाजिक आहे. या परिस्थितीमध्ये मळमळ जाणवत असल्यास कालांतरने आपोआपच त्याचा त्रास कमी होतो. गर्भारपणाच्या काळात पहिल्या काही महिन्यांमध्ये अनेकींना हा त्रास जाणवतो. अशावेळी थोड्या थोड्या वेळाने खात राहणे फायदेशीर ठरते. एकावेळी पोटभर खाणे जमत नाही.

कधी घ्याल डॉक्टरांचा सल्ला :

सतत उलटीचा त्रास होणे
ताप, डायरियासोबत उलटीचा त्रास होणे
गरोदरपणामध्ये मळमळ, उलटीचा त्रास तीव्रतेने जाणवणे
डोक्याला इजा झालेली असताना उलटी होणे
लहान मुलांना प्रत्येक वेळेस खाल्ल्यानंतर उलटी होणे
उलटीसोबत रक्त पडणे

#5 डोकेदुखी

शरीराच्या दुखण्यामध्ये डोकेदुखीचा त्रास अधिक जाणवतो. पण प्रत्येक डोकेदुखीचा त्रास हा गंभीर नसतो. औषधोपचरांसोबतच आराम केल्याने किंवा आरोग्यदायी जीवनशैलीने त्यावर मात करता येते.

कधी घ्याल डॉक्टरांचा सल्ला

पूर्वीपेक्षा डोकेदुखीचा त्रास अधिक तीव्रतेने जाणवणे
दुखण्यामध्ये फरक जाणवणे
औषधोपचारानंतरही डोकेदुखी कमी न होणं
सकाळच्या वेळेस डोकेदुखी जाणवणे
डोकेदुखीसोबत उलट्यांचा त्रास जाणवणे
अचानक डोकेदुखी वाढणे, थकवा, मरगळ जाणवणे, शुद्ध हरपणे
डोकेदुखीसोबत ताप वाढणे, मानेमध्ये स्टिफनेस जाणवणे
डोकेदुखीसोबत दृष्टी कमजोर होणे, बोलण्यात अडथळा येणे,
डोक्याला मार लागल्यावर डोकेदुखी वाढणे
वाकल्यावर, खोकला वाढल्यास, शारिरीक कष्ट वाढल्यास डोकेदुखीही वाढते.

#6 डोळे सुजणे , लाल होणे

ऋतूमानानुसार अ‍ॅलर्जी वाढणे, डोळे येणे, पुळी येणे यामुळे डोळे सुजतात, लाल होतात. गरम कॉम्प्रेस चा वापर केल्यास डोळ्यांवरील पुळीचा त्रास कमी होण्यास मदत होते. तसेच डोळे येण्याचा त्रास पुरेशी काळजी घेतल्यास आपोआपच ठीक होऊ शकतो.

कधी घ्याल डॉक्टरांचा सल्ला :

लक्षणांमध्ये सुधार न होणे
डोळ्यांमधून पिवळा, हिरवट स्राव होणे
डोळे लाल होण्यासोबत ताप, थंडी जाणवणे
डोळ्यांमध्ये वेदना जाणवणे, अंधूक दिसणे

#7 सर्दी –

काही घरगुती उपाय आणि पुरेसा आराम केल्यास सर्दीचा त्रास आठवडाभरात ठीक होतो. यासोबतच तुम्ही काही सिरप, औषधगोळ्यांची मदत घेऊ शकता.

कधी घ्याल डॉक्टरांचा सल्ला :

अचानक त्रास वाढणे
सर्दीसोबत ताप, थंडी वाढणे
छातीत दुखणे
श्वास घ्यायला त्रास होणे

#8 सायनस इंफेक्शन

सायनसच्या संबंधित त्रास कमी करण्यासाठी अनेक नैसर्गिक उपाय फायदेशीर ठरतात.

कधी घ्याल डॉक्टरांचा सल्ला :

10-14 पेक्षा अधिक दिवस त्रास जाणवणे
सर्दीचा त्रास 7 दिवसांनंतर अधिक त्रासदायक होणं
डोकेदुखीचा त्रास तीव्र होणे
सायनसच्या त्रासासोबत ताप येणे

#9 दातदुखी –

अति गरम, थंड, गोड किंवा अ‍ॅसिडीक पदार्थ खाल्ल्यास दातांना त्रास होऊ शकतो.अशावेळी सेंसिटीव्हिटीचा त्रास कमी करण्यासाठी योग्य टुथपेस्ट वापरा. सायनसच्या त्रासामुळे दातदुखीदेखील वाढू शकते. त्यामुळे वेळीच सायनसवर उपचार करा.

कधी घ्याल डॉक्टरांचा सल्ला :

दातदुखीचा त्रास 2-3 दिवसांपेक्षा अधिक जणवणे
दातदुखीमुळे झोपमोड होणे
दिवसभर दातदुखीचा त्रास होणे
दातदुखीमुळे हिरड्या, चेहरा सुजणे
दातदुखीमुळे ताप येणे

Published : June 27, 2016 5:52 pm | Updated:January 3, 2017 4:52 pm