शरीरावरचे अनावश्यक केस काढण्यासाठी कोणता पर्याय निवडाल ? |

It’s okay to apply mild steroid on the treated area for a day or 2 after the procedure under your doc’s recommendation.

शरीरावरचे अनावश्यक केस काढून टाकणे ही केवळ फॅशन नसून शारीरिक स्वच्छतेचा तो एक भाग आहे.तसेच शरीरावरचे अनावश्यक केस काढून टाकल्यामुळे तुमची त्वचा अधिक आकर्षक देखील दिसू लागते.आजकाल त्वचेवरील हे अनावश्यक केस काढण्याचे अनेक पर्याय उपलब्ध आहेत. Also Read - बिकिनी वॅक्स केल्याने लैंगिक आजार होतात का ?

Also Read - butt hair काढण्याची योग्य पद्धत कोणती ?

अनावश्यक केस काढण्याचा काही पद्धती –

शेव्हींग- आतापर्यंत शरीरावरील अनावश्यक केस काढून टाकण्यासाठी रेझर द्वारे केस शेव्ह करणे हेच एक लोकप्रिय तंत्र होते.बाजारामध्ये २ ते ५ ब्लेडचा सेट असलेले रेझर सहज उपलब्ध होतात.ओल्या त्वचेवर हे रेझर फिरवून तुम्ही सहजपणे तुमच्या शरीरावरील केस काढू शकता.केस काढण्यापूर्वी तुम्ही त्वचेवर शेव्हींग जेल लावू शकता.केस ज्या दिशेने वाढतात त्या दिशेने शेव्हींग करावे व नंतर उलट्या दिशेने रेझर फिरवावे ज्यामुळे तुमची त्वचा अगदी मुलायम होते.हात,पाय व बिकनी भागातील केस काढण्यासाठी शेव्हींग हा उत्तम पर्याय आहे.तसेच जाणून घ्या नैसर्गिक उपचार पद्धतीने मिळवा अंगावरील अनावश्यक केसांपासून मुक्ती

इलेक्टॉनिक रेझर व एपिलेटर देखील समान कार्य करतात.फक्त हे साधन वापरण्यापूर्वी तुम्हाला त्वचा ओली करण्याची गरज नसते.जेव्हा तुम्ही तुमच्या कोरड्या त्वचेवरुन हे रेझर मशिन फिरवता तेव्हा त्या मशिनखाली येणारे केस मशिनमधील रोटींग ब्लेड द्वारे कापले जातात.

तोटा- केस शेव्हींग केल्यामुळे इनग्रोव्हन केसांची मोठ्या प्रमाणावर वाढ होऊ शकते.ही समस्या बिकनी भागातील दाट केसांच्या बाबतीत जास्त निर्माण होते.तसेच तुम्हाला हे तंत्र वापरण्यासाठी दररोज केस शेव्ह करावे लागते.

फायदा- दररोज रेझर वापरणे सुरक्षित असल्यामुळे तुम्ही तुमच्या वेळेनुसार केस शेव्ह करु शकता.हा पर्याय स्वस्त असून सोपा असल्यामुळे तुम्ही तो घरच्या घरी वापरु शकता.शेव्हींग केल्यामुळे तुमच्या अंडरआर्मचा दुर्गंध कमी होतो.उदा.एका अभ्यासामध्ये असे आढळून आले आहे की रेझर ने केस शेव्ह केल्यामुळे साबणाने स्वच्छ केलेल्या भागाचा परिणाम ४८ तासानंतरही टिकतो व दुर्गंध कमी येतो.पण हा परिणाम केस कात्रीने कापल्यावर दिसून आलेला नाही. या ‘4’ टीप्सने अधिक सुकर करा रेझरचा वापर !

2. वॅक्सिंग-शरीरावरील केस काढण्यासाठी वॅक्सिंग हे तंत्र देखील वापरण्यात येते.यामध्ये हार्ड व सॉफ्ट वॅक्स असे दोन भाग आढळतात.शरीरावरच्या कोणत्या भागाचे वॅक्सिंग करायचे आहे यावरुन यातील कोणता प्रकार वापरायचा हे ठरते.

नाक,अंडरआर्म व बिकनी या भागातील केस काढण्यासाठी हार्ड वॅक्स वापरण्यात येते.यासाठी गरम केलेले हॉट वॅक्स केसांच्या ग्रोथच्या दिशेने लावून थंड केले जाते.त्यानंतर त्यावर एक कापडी पट्टी लावून ती विरुद्ध दिशेने ओढून वॅक्स काढले जाते.या तंत्रामुळे त्या वॅक्ससोबत त्या पट्टीला शरीरावरचे केस देखील चिकटून काढले जातात.

सूचना- जर तुम्ही Retinoids असलेले अॅन्टी एजींग क्रीम वापरत असाल तर हॉट वॅक्स वापरु नका कारण त्यामुळे तुमच्या त्वचेवरील पेशी देखील निघून जातात व तुमची त्वचा संवेदनशील झाल्याने त्वचेला दाह होऊ शकतो.

हात,पाय व पाठीसाठी सॉफ्ट वॅक्स वापरण्यात येते.हे वॅक्स थंड असून हार्ड वॅक्स पेक्षा पातळ असते.त्यामुळे ते सहज पसरते व शरीरावरचे केस काढण्यासाठी उत्तम असते.

वॅक्सिंग केल्यावर दोन ते सहा आठवडे तुमची त्वचा मुलायम रहाते.अर्थात हे तुमच्या केसांची वाढ किती जलद आहे व तुमच्या अंगावर किती प्रमाणात केस येतात यावर अवलंबून असते.

फायदा- वॅक्सिंग मुळे केस मुळासकट बाहेर येत असल्यामुळे त्याचा परिणाम इतर पर्यायांपेक्षा अधिक टिकतो.

तोटा-जर तुम्हाला वॅक्सची अॅलर्जी असेल तर मात्र वॅक्सिंग केल्यावर तुमच्या त्वचेवर लालसर पुरळ,खाज,फोड अथवा सूज येऊ शकते.वॅक्सिंग करताना वेदना होतात त्यामुळे जर तुमची त्वचा संवेदनशील असेल तर वॅक्सिंग करण्यापूर्वी पुन्हा एकदा विचार नक्की करा.तसेच वाचावॅक्सिंगनंतर त्वचेवर होणारी जळजळ कमी करण्यासाठी खास टीप्स !

न्यू दिल्लीच्या All India Institute of Medical Sciences च्या Dermatologists च्या मते वॅक्सिंग केल्यामुळे Folliculitis ही एक सामान्य समस्या होते. वॅक्सिंग केल्यामुळे दंड व मांड्याच्या आतील भागामध्ये इनफेक्शन व जळजळ होणे शक्यता अधिक असते.

3.थ्रेडींग-भारतामध्ये आयब्रो व चेह-यावरील इतर भागातील केस काढण्यासाठी थ्रेडींग करण्यात येते.या प्राचीन हेअर रिमुव्हल तंत्रानूसार तोंडामध्ये दो-याचे एक टोक पकडून हाताने दो-याच्या दुस-या टोकाकडील भागाच्या सहाय्याने एखाद्याच्या चेह-यावरील केस ओढून काढण्यात येतात.ही हालचाल तज्ञ व्यक्तीद्वारे जलद गतीने करावी लागते.तुम्ही स्वत: देखील हे तंत्र वापरु शकता पण प्रोफेशनल व्यक्तीची मदत घेणे नेहमीच चांगले.तसेच वाचा शरीरावरील या ‘4’ भागांवरचे केस मूळीच उपटू नका !

आयब्रो व अप्पर लिप साठी थ्रेडींग करणे फायद्याचे ठरते.आयब्रो चांगल्या कोरल्या जाव्यात यासाठी अनुभवी ब्युटीशियन कडेच जा नाहीतर तुमच्या आयब्रोचा आकार बिघडण्याची शक्यता असते.या तंत्राचा परिणाम देखील तुमच्या केसांच्या वाढीनूसार २ ते ३ आठवडे टिकू शकतो.थ्रेडींगने आयब्रो केल्यानंतर होणारा त्रास दूर करतील या खास टीप्स !

फायदा-चेह-यावरील केस काढण्यासाठी ही एक सोपी व स्वस्त पद्धत आहे.तुमच्या आयब्रोचा आकार चांगला झाल्यामुळे तुम्ही अधिक आकर्षित दिसू लागता.

तोटा-थ्रेडींगमुळे वेदना होतात व लालसर पुरळ देखील येते.तसेच यामुळे हायपो व हायपर पिगमेंटेशन होते.दाह होतो.

4.हेअर रिमुव्हल क्रीम-या क्रीममधील केमिकल त्वचेमध्ये मुरते.यासाठी ज्या भागामधील केस काढायचे असतात त्या भागावर या क्रीमचा पातळ थर लावावा.३ ते ५ मिनीटांनी अथवा त्या प्रॉडक्टवर दिलेल्या सूचनेनूसार Spatula अथवा ओल्या फडक्याने खालून वरच्या दिशेने ते क्रीम पुसून काढावे.त्यानंतर त्वचा धुवून कोरडी करावी.

हेअर रिमुव्हल क्रीम शरीरावर कोणत्याही भागावर लावता येते.पण त्याचा वापर अप्परलीप,अंडरआर्म व बिकनी या भागात करणे फायदेशीर ठरते.

तुम्ही आठवड्यातून एकदा हे क्रीम वापरु शकता.मात्र लक्षात ठेवा कोणतीही हेअर रिमुव्हल पद्धत एकदा वापरल्यावर पुन्हा वापरण्यापूर्वी कमीतकमी ७२ तासांची वाट पहा.तसेच वाचा प्युबिक एरियावरील केस काढण्यासाठी हेअर रिमुव्हल क्रीमचा वापर करावा का ?

फायदा- हेअर रिमुव्हल क्रीम वापरणे वेदनादायक नसल्याने,त्यामुळे कोणतीही जखम होत नसल्याने व तुम्ही ही पद्धत स्वत: घरी देखील वापरु शकत असल्याने फायदेशीर ठरते.

तोटा-काही लोकांना हेअर रिमुव्हल क्रीमची अॅलर्जी असते.त्यामुळे त्यांना या क्रीमचा वापर केल्यास लालसर पुरळ येणे,जळजळ व वेदना होतात.यासाठी ही क्रीम वापरण्यापूर्वी विशेषत: जर तुम्ही ही पद्धत प्रथम वापरत असाल तर कमीतकमी २४ तास आधी एक पॅच टेस्ट जरुर करा.तसेच अशा हेअर रिमुव्हल क्रीमला एक प्रकारचा उग्र वास येतो व क्रीम वापरल्यावर तो वास तुमच्या त्वचेवर देखील काही तास रहातो.वाचा या ‘8’ कारणांमुळे शरीरावर वाढतात अनावश्यक केस

5. लेझर-जर तुम्हाला शरीरावरचे केस कायमस्वरुपी काढून टाकायचे असतील Laser-assisted Hair Removal (LHR) हे तंत्र अधिक फायदेशीर आहे.चांगल्या परिणामांसाठी हे उपचार Dermatologists,Physicians अथवा Non-Physicians करुन घ्या.या पद्धतीमध्ये Photothermolysis या तत्वावर कार्य केले जाते.ज्या तंत्राद्वारे त्वचेखाली इतर टीश्यूचे नुकसान न करता केस असलेल्या काही विशिष्ट टीश्यूजनां नष्ट करण्यात येते.वाचा लेझर हेअर रिडक्शन – अंगावरचे केस कमी करण्याचा वेदनारहित उपाय !

आजकाल हे तंत्र सर्व प्रकारच्या त्वचेच्या लोकांसाठी उपलब्ध आहे.या पद्धतीसाठी Ruby Laser, Alexandrite Laser, Diode Laser, Intense Pulsed Light Source व The Neodymium:yttrium-Aluminium-Garnet (Nd:YAG) Laser अशा अनेक प्रकारचे लेझर वापरण्यात येतात.उदा.Nd:YAG Laser हे लेझर तंत्र गडद रंगाची त्वचा असलेल्या लोकांवर प्रभावी अाहे इतर रंगाच्या त्वचेवर ते कमी प्रभावी आहे.

समाधानकारक परिणामांसाठी तुम्हाला एका पेक्षा अधिक उपचारांची गरज लागू शकते.सहा महिन्यांनी केलेल्या शेवटच्या उपचारानंतर तुमच्या शरीरावरचे ३० ते ५० टक्के केस कमी होतात.

दुष्परिणाम-

त्वचेवर लालसर पॅच उठणे.
Perifollicular Edema
हायपो आणि हायपर पिगमेंटेशन
आयब्रो लेझरमुळे डोळ्याच्या समस्या होऊ शकतात.
उपचार न केलेल्या भागातील केसांमध्ये वाढ होणे असे क्वचित घडते पण या उपचारांचा हा एक दुष्परिणाम होऊ शकतो.

डोळ्यांच्या समस्येशिवाय इतर समस्या तात्पुरत्या असतात.तसेच वाचा अनावश्यक केस काढण्याच्या या विविध उपचारपद्धतींचे काय दुष्परिणाम होतात.

संदर्भ-

Lanzalaco A, Vanoosthuyze K, Stark C, Swaile D, Rocchetta H, Spruell R. A comparative clinical study of different hair removal procedures and their impact on axillary odour reduction in men. Journal of Cosmetic Dermatology. 2016;15(1):58-65. doi:10.1111/jocd.12197.

Khanna N, Chandramohan K, Khaitan BK, Singh MK. Post waxing folliculitis: a clinicopathological evaluation.Int J Dermatol. 2014 Jul;53(7):849-54. doi: 10.1111/ijd.12056.

Gupta S, Chaudhry M, Mahendra A, Kaur S. EYEBROW THREADING: A BOON OR A BANE. Indian Journal of Dermatology. 2011;56(6):715-717. doi:10.4103/0019-5154.91835.

Liew SH. Laser hair removal: guidelines for management. Am J ClinDermatol. 2002;3(2):107-15.
Karabela Y, Eliaçık M. Anterior uveitis following eyebrow epilation with alexandrite laser. International Medical Case Reports Journal. 2015;8:177-179. doi:10.2147/IMCRJ.S89965.
Lolis MS, Marmur ES. Paradoxical effects of hair removal systems: a review. J CosmetDermatol. 2006 Dec;5(4):274-6.

Read this in English

Translated by Trupti Paradkar

छाया चित्र सौजन्य : Shutterstock

Published : July 29, 2017 1:08 pm | Updated:July 31, 2017 9:45 am

Read Disclaimer