बहुगुणी वेलची : स्वादिष्ट अन आरोग्यदायी ही !

वेलची केवळ स्वाद नाही तर शारीरिक स्वास्थ्यदेखील वाढवते. मग पहा कसा वाढवावा वेलचीचा आहारातील समावेश

By: Dipali Nevarekar | | Updated: April 12, 2017 6:10 pm

भारतीय स्वयंपाकघरात वेलचीचा वापर तिखटाच्या आणि गोडाच्या पदार्थांत देखील प्रामुख्याने होतो. पदार्थ स्वादिष्ट बनवण्याबरोबरीबनेच वेलचीत अनेक औषधी गुणधर्मदेखील दडले आहेत. मुखशुद्धीसाठी विड्यातून तसेच विविध पदार्थांतून वापरात असलेली वेलची शरीराचे स्वाथ्य वाढवण्यासाठी आहारातदेखील का वापरावी त्याची ही ‘ 5’ कारणे – Also Read - केशर खाण्याचे '४' आरोग्यदायी फायदे !

पचन सुधारते :

रात्रीच्या जेवणानंतर बडीशेपीसोबत वेलचीचे दाणे का खातात ? याचा तुम्ही विचार केला आहे का ? वेलचीमुळे पचनशक्ती सुधारते. तसेच पोटातील जळजळ व दाह कमी करण्यास मदत करते. अपचनामुळे मळमळ होत असल्यास वेलचीच्या सेवनाने दूर होते. आयुर्वेदात केलेल्या वेलचीच्या वर्णनानुसार पोटातील वायू व पचनाचे विकार दूर करण्यास वेलची उपयुक्त आहे. Also Read - या '६' फायद्यांसाठी अवश्य खा पिस्ता !

# टीप – वेलचीच्या 2-3 पाकळ्या, आल्याचा छोटा तुकडा, 2-3 लवंगा व थोडेसे धणे एकत्र वाटून घ्या. ही पुड पाण्यासोबत घ्या. अपचन व ग़ॅसच्या विकारात हा उत्तम व तात्काळ उपाय आहे.

तोंडाची दुर्गंधी दूर करते

तोंडाची दुर्गंधी दूर करण्याचे सारे प्रयत्न केलेत पण परिणाम होत नाही ? मग वेलची नक्की खाऊन पहा. वेलचीतील अ‍ॅन्टीबॅक्टेरियल गुणधर्मामुळे तसेच सुवासामुळे तोंडाची दुर्गंधी दूर होते. तसेच वेलचीमुळे पचनशक्ती सुधारते. पचनामध्ये बिघाड हा तोंडाला दुर्गंधी येण्याच्या समस्येचे प्रमुख कारण आहे. वेलचीच्या सेवनाने हे कारण मुळासकटच दूर होते.

# टीप – जेवणानंतर वेलचीचे दाणे चघळा. तसेच तुम्ही सकाळी वेलचीचा चहा पिऊ शकता. यामुळे पचनाची क्रिया सुधारण्यास मदत होते.

पित्त कमी होते

वेलचीतील महत्त्वपूर्ण तेलयुक्त घटकामुळे पोटातील अंतर्गत त्वचेचा स्तर सुधारतो व लाळेचे प्रमाणदेखील वाढते. वेलची चघळताना त्यातून निघणारे तेल, लाळग्रंथींना उत्तेजित करत असल्याने भूक व पचनशक्ती सुधारते. त्यामुळे पित्त वाढ्ण्याची समस्या कमी होते. तसेच पित्तामुळे वाढणारी जळजळ व दाह वेलची शांत करते.

# टीप – जेवल्यानंतर बसून राहणे टाळा. वेलची चघळत शतपावली केल्याने पित्त व पचनाचे विकार कमी होतात. (‘पित्ता’वर विजय मिळवा १० घरगुती उपचारांनी ! )

अ‍ॅनेमिया दुर करतो

कॉपर, आयर्न, व्हिटामिन सी यांचा समावेश वेलचीत असल्याने रक्तातील लाल पेशी, पेशींचे चयापचन वाढण्यास मदत होते. अ‍ॅनिमियामुळे आलेला थकवा दूर करण्यास वेलचीतील आयर्न (लोह) घटक मदत करतात.

# टीप – चिमुटभर वेलची पावडर व हळद घातलेले गरम दुध नियमित घ्या. चवीला त्यात थोडी साखर टाकू शकता. असे हे दुध रोज रात्री प्यायल्यास अ‍ॅनिमियाची समस्या दूर होते.

सेक्स लाईफ उंचावते-

वेलचीचे सेवन हे सेक्स लाईफसाठी शक्तीवर्धक व उत्त्तेजक असल्याचे फार कमी लोकांना ठाऊक आहे. यामुळे शरीराचे स्वाथ्य सुधारते तसेच शीघ्रपतन, नपुंसकत्व यासारख्या समस्या दूर करते. दीर्घकाळ सेक्सचा आनंद घेण्यासाठी वेलचीचे सेवन फारच उपयुक्त ठरते.

# टीप – वेलचीचा चहा तुमच्यासाठी फायदेशीर आहेच. वेलचीचे दाणे ग्रीन टीमध्ये टाकून रोज गरम चहाचे सेवन करावे.

तुमचं सेक्स लाईफ अजून थोडं ‘स्पायसी’ करण्यासाठी कोणते मसाले आहारात घ्यावेत हे जाणून घ्यायचयं ? मग खालील फ़ोटोवर क्लिक करा.